بو دونيانين بوش سوزوندن
اوزگه سيندن، لاپ اوزوندن
اينسان لارين خور گوزوندن...
روحو نئجه صاح آپاراق؟
گل شعره پناه آپاراق
آغ بولوت لار قاراليبدي
آغاج لاري سار آليبدي
قيرميز قان دا ساراليبدي
آه گتيرك، آه آپاراق
گل شعره پناه آپاراق
غزل لريم لاختا قان دي
كيم قانمادي، كيمي قاندي؟
"لخ والسا"، "ماندلا" "گاندي"
هر نه يي مزاح آپاراق؟
گل شعره پناه آپاراق
يوخولاريم كابوس اولوب
دانيشديغيم ميس ميس اولوب
طبعيمده منه لوس اولوب
قيفيلا مفتاح آپاراق
گل شعره پناه آپاراق
گيوتين لردن دار لارا
تاريخه باتميش "شارشار"ا
او قورالانان "افشار"ا
كابوسا اشباح آپاراق
گل شعره پناه آپاراقSee More
نظرات شما عزیزان: